غنى معايا نشيد الحب

خلى الروح ف الجسم تدب

نزرع      بسمة   تصفى  القلب

ونشيل  شوكة من ع الدرب

 طول عمرنا إخوات مش غرب

بدل الفرق

متقولشى مسلم و مسيحى ايمانك ده جوه القلب

شايفاه بس عين الرب الدين يعنى عطاء مش سلب

الدين يعنى المحبة الدين يعنى السلام

دينك مش ممكن يكون ابدا كره و انتقام

ورينى الدين ف دربك خلى الدين يبان ف حبك

الدين يعنى التسامح الدين يعنى السلام

دينك مش ممكن يكون ابدا كره و انتقام

متقولشى شيعة و سنة والتراب بالدم اتحنى

والخوف اتزرع  ف قلب الاجنة

القتلة ملهمشى جنة

متقولشى سنة وشيعة  خلوها لله البيعه

متقولشى طوايف يا قبطى دى الطوايف عمل الناس

ف انجيلك ملهاش اساس و مسيحك حب واحساس

ومتقولشى فتح و حماس ونسقى بعض مر الكاس

اللى يقدم حب وخير      ها نوطى له و ايده تتباس

متقولشى عرب و يهود متقولشى سود وبيض

ده احنا كلنا بشر كنا ساده او عبيد

ليه يكون نووى وزرى

ولا    قنابل وصاروخ جوى

ارضنا واسعة وخيرها كتير

ليه يكون حالها مرير

يلا يا شرقى يلا      يا غربى

يلا نمد الايد ونسلم  ليه دايما ف الفاضى نتكلم

ليه واحد مننا يتالم

يلا يا رجال الدين مدوا بالود الايدين

و ارفعوا راية سلام حطوها ف وش المدفع

كلموا كل عاصى عن عصيانة        يتوب ويرجع

و لندا المحبة يسمع

انسى الماضى والاحزان   اجحد افعال الشيطان

ده تخصصه قتل الانسان

وان كان جرحك صعب عنيد

بالحب امد لك ايد

وافتكر سلام اخواتك

خلى الحب يكون مراتك

علمه لابنك وبناتك

ومتدورشى على الطوايف او الديانة

ادى للفقير اعانة  و امشى دايما بالامانة

هو ده معنى الديانة

وهات ايدك فايدى فمدار الحب ندور

و نطير باقصى سرعة ناحية شعاع النور

يلا غنى معايا نشيد بكره اللى جاى

نحب و نعيش يومنا و نلبسه الضى

وننسى كل الماضى

ده ابقى منه الحى