قولى يلى انت أخويا وابن أمى وأبويا

ازاى الدم بقى ميه وراحت فين الحنيه

الدم فى عروقنا واحد والوش شبه الوش

لكن قلب طيب وقلب جاحد

قولى لى يا دنيا ليه بتفرقى الحبايب

علشان أرض وفلوس ولا عشان فكر خايب

وايه تساوى الدنيا وواحد من حبايبنا غايب

اه يا زمن حضنك حديد قاسى

واللى يعيش فيك ياما يشوف ويقاسى

يادنيا ف الحزن فاكرانى وفى الفرح دايما ناسيه

ولما من ناسك أقرب ألاقى كل القلوب قاسية

كلهم أصحاب مصالح والحلو فيهم طبعه مالح

ويزعلوا لو شافوا يوم انسان فالح

يا دنيا فيها الحقوق ضايعة

ومهما أشترى ناسك ألاقى كل القلوب بايعه

لا ليكى طعم ولا لون زى السوايل مايعة