يا أهلى و ياكل جيل

ماتيجو نحب اسرائيل

بالحب والامل لون الحياة جميل

وبلاش نقتل ف بعض ونقول الارض عرض

ده الحب أمر الهى وكمان علينا فرض

فرض فرضه المسيح لما قال حب عدوك واللى يسىء اليك

واطلب له الهداية قدم له الخير بايديك

وبتمن البارود نزرع شجرة ومدينة

وبناتنا وولادنا فيها أجمل زينة

ده رئيسنا بالسلام حرر طابا وسينا

كره وانتقام يعنى بنلعب قمار

نلعب علشان نكسب لكن نحصد دمار

وتبقى اى جنة غابة مليانة نار

وشعب يواجه موته

مش لاقى دواه ولا قوته

شعبولا قول معايا عاوزين حب وسلام

وبطل ياشعبولا تقول كلام هدام

مليان كره وألغام يغتال المحبة ويقتل السلام

وليه تموت قتيل وتخش المعتقل

ونار تولع فى قلبك وتعيش من غير امل

احنا ولاد حوا وأدم يعنى كلنا اخوات

مهما كانت الالوان واتغيرت اللغات

بالحب عائلات كتير عايشين فى أوضة

وناس عايشة فى سرايا لكن عيشتهم سوده

والارض مهياش اوضة لكنها أجمل روضة

وكتير المودة بتحل أكبر أزمة

ما تحلها قنابل ولا رمى بوش بجزمة

صدقنى الحب يقدر يصنع المستحيل

وحب الله لينا هو أكبر دليل

أصل الحب يهزم كل حركات ابليس

ويصالح كل اتنين بينهم نيابة وبوليس

حتى الكافر تحبه وحسابه عند ربه

وبحب هندى وصينى

وبحب يسارى ويمينى

كل الناس والأديان كمان فوق راسى وعينى

استرخى معايا وخد زفير وشهيق

وحتى ف لعب الكورة تشحع كل فريق

وبلاش التعصب خلى فكرك برىء

وقول ع الحق حق خليك شجاع وجرىء

وتعالى للسلام نزرع فى قلوبنا طريق

صغار النفوس ممكن يولعوها بمليون طريقة

لكن البطولة فعلا انك تطفى حريقة

وتعدل لما تحكم وتنصف ناس بريئة

أنا مصرية جدا وبحب مصر بلدى

لكنى سامحت اللى قتل جدى وولدى

لارميت قنابل ولا رفعت سيوف

وبحب كل مصرى من غير خزى وكسوف