الاسم: زيزي صفوان صفوان
البلد: مصر
التصنيفات : أدب وكتب
أظهر كافة المعلومات
أكتوبر 27th, 2011 كتبها زيزي صفوان صفوان نشر في , غير مصنف,
قولى يلى انت أخويا وابن أمى وأبويا
ازاى الدم بقى ميه وراحت فين الحنيه
الدم فى عروقنا واحد والوش شبه الوش
لكن قلب طيب وقلب جاحد
قولى لى يا دنيا ليه بتفرقى الحبايب
علشان أرض وفلوس ولا عشان فكر خايب
وايه تساوى الدنيا وواحد من حبايبنا غايب
اه يا زمن حضنك حديد قاسى
واللى يعيش فيك ياما يشوف ويقاسى
أكتوبر 27th, 2011 كتبها زيزي صفوان صفوان نشر في , غير مصنف,
نار نار نار
بقيت كل الأسعار
الحمة والخضار مبيدخلوش الدار
قالوا لى طبق الفول فيه كل الحلول
لكن البيه المسئول رفع تمن البقول
مع انه مليونير فى جشعه زى الغول
أكتوبر 27th, 2011 كتبها زيزي صفوان صفوان نشر في , غير مصنف,
باطل يا صاحبى اعتمادك ان كان ف يوم ع المال
ده ممكن ف لحظة يضيع هو و أخوه الجمال
والقوة منك تضيع من اليمين قبل الشمال
أكتوبر 27th, 2011 كتبها زيزي صفوان صفوان نشر في , غير مصنف,
انا رسول سلام وجاية امد ايدى
برسالة محبة من عند ربى وسيدى
ويوم ما نحب بعض هو ده يوم عيدى
وها اخلى المحبة غنوتى ونشيدى
انا رسول سلام وجاية اقول ياناس
تعالوا يلا نبدا صفحة جديدة ف كراس
أكتوبر 27th, 2011 كتبها زيزي صفوان صفوان نشر في , غير مصنف,
بنات أفكارى أحلى من اى بنات
ساعات يتكلموا ويطلعوا الاهات
ولما بزعل منهم بيلزموا السكات
بنات أفكارى جد مش لعابيين
ولو شيطان جالهم بسرعة يروحوا هاربين
الكل يسيبنى ويمشى وانتوا معايا قاعدين
بنات أفكارى أحلى من أى فكرة
انتوا المستقبل فيكم بلاقى الذكرى
ساعات لما تواسونى انا ليكم ببقى شاكرة
بنات أفكارى متروحوش بعيد
أكتوبر 27th, 2011 كتبها زيزي صفوان صفوان نشر في , غير مصنف,
الحب والخوف
الحب والخوف نقيضان
فى قلب واحد لا يجتمعان
الخوف يهدم الانسان
والحب سر البنيان
أنحب من نخافهم لا
أنخاف ممن نحبهم لا
عندما نحب نعطى بلا حدود
نتسامى ونتسامح بلا قيود
فبين المحبين لا توجد سدود
عندما اخاف سيكون ابتعادا
أكتوبر 27th, 2011 كتبها زيزي صفوان صفوان نشر في , غير مصنف,
خليك واثق فى نفسك وسيبك من اى خوف
لو كنت جاهل فقير أو حتى عندك ظروف
كلنا حبة تراب
يبقى ليه م الناس كسوف
لو كنت مليان عيوب
لو متحاوط بالذنوب
ربك يمهد الدروب وهو غافر الذنوب
و شمسه تتطلع من قلب الغروب
اعرف نفسك تعرف بيت الداء
وربك عنده لكل داء دواء
المستحيل
كلمة اشطبها من قاموسك
ارفع عينك لفوق
ولو ضاع صيتك أ فلوسك
خلى الثقه فالله هى دايما ناموسك
أكتوبر 27th, 2011 كتبها زيزي صفوان صفوان نشر في , غير مصنف,
غنى معايا نشيد الحب
خلى الروح ف الجسم تدب
نزرع بسمة تصفى القلب
ونشيل شوكة من ع الدرب
طول عمرنا إخوات مش غرب
بدل الفرق
متقولشى مسلم و مسيحى ايمانك ده جوه القلب
شايفاه بس عين الرب الدين يعنى عطاء مش سلب
الدين يعنى المحبة الدين يعنى السلام
دينك مش ممكن يكون ابدا كره و انتقام
ورينى الدين ف دربك خلى الدين يبان ف حبك
الدين يعنى التسامح الدين يعنى السلام
دينك مش ممكن يكون ابدا كره و انتقام
متقولشى شيعة و سنة والتراب بالدم اتحنى
والخوف اتزرع ف قلب الاجنة
القتلة ملهمشى جنة
متقولشى سنة وشيعة خلوها لله البيعه
متقولشى طوايف يا قبطى دى الطوايف عمل الناس
ف انجيلك ملهاش اساس و مسيحك حب واحساس
ومتقولشى فتح و حماس ونسقى بعض مر الكاس
اللى يقدم حب وخير ها نوطى له و ايده تتباس
متقولشى عرب و يهود متقولشى سود وبيض
ده احنا كلنا بشر كنا ساده او عبيد
ليه يكون نووى وزرى
ولا قنابل وصاروخ جوى
ارضنا واسعة وخيرها كتير
ليه يكون حالها مرير
يلا يا شرقى يلا يا غربى
أكتوبر 27th, 2011 كتبها زيزي صفوان صفوان نشر في , غير مصنف,
خلى بالك
يضحك عليك ابليس ويزوق الخطية
يحط لها بهارات بتفتح الشهية
يخلى المر حلو يبرر كل نية
والنفس الجعانة تلقى ف المر غية
كلام حكيم زمان ضربوا بيه المثل
النفس الشبعانة تدوس حتى العسل
سكة ابليس جواك هى الفضا والكسل
يلا ارجع وتوب بسرعة وبعجل
ده انت ما تعرف يقصر ولا يطول الاجل
أكتوبر 27th, 2011 كتبها زيزي صفوان صفوان نشر في , غير مصنف,
ولان قلب الحديد وقلب البشر م يلين
بيسرقوا الأعراض ويدبحوا بسكاكين
انتوا ولاد آوى ولا بنى أدمين
يلى عندكم الدبح بقى قمة الايمان
ده انتوا جبتوا العار بنسبكم للانسان
اعيش ف غابة يا ناس ولا معاهم ف مكان
